Naskah Drama Bahasa Jawa - PANDEWASANA AWAK

PANDEWASANAn AWAK

(Ing salah sawijine keluarga ing Kabupaten Blitar kang di ayomi Pak Subek, sing kauripane ayem masio kahanane uduk wong kang kacukupan lan mbarang - mbarang  enek. Isuk kuwi sak keluarga mlumpuk neng mejo makan, lagi ngombe kopi lan sarapan. Isuk kuwi pas dino minggu)

Pak Subek : sugeng enjing bojoku sing paling ayu lan anak - anakku seng paling pinter lan          sregep

Buk Siti            : sugeng enjing Pak

(Retno lan Ajeng nyauri bareng banjur salaman kalian Bapak Ibune)

Pak Subek       : beh anak – anakku saiki wes gedhe lan ayu

Buk Siti            : lhayo, rumangsaku sek ndek ingi tas gendongi tak susoni lan tak pempesi. Sing sik kerep nangis mergo luwe

Pak Subek       : weh kuwi wis mbiyen saiki dipikir nyang ngarep ae ojo panggah KSWW

(Buk Siti nyawang anak’e malah ngetokne banyu moto sakrehno banyu moto kuwi, banyu moto katresnan)

Retno               : sampun Buk mboten usah di tangisi. Sak niki kula sampun kelas 2 SMK, adhike nggeh pun kelas 2 SD. Njenengan ndonggakne mawon mugi – mugi kula kalihan adhike dados anak seng bekti lan guna kanggo Bangsa lan Neggara

Buk Siti            : iyo nduk dongaku panggah ngiringi awakmu (banjur netesne banyu moto)

Pak Subek       : wes to  pokok  dongone wong tuwek ki manjur. Wes – wes gek sarapan, ojo panggah omong ae

Buk Siti            : lha yo, iki lo Ibbbbuk mau masak oseng – oseng kangkung, sambel teri, karo tempe goreng

Ajeng               : weh enak wi mestian, opo maneh seng masak Buk Sitaiiy...

(Buk Siti banjur ngambung Ajeng karo bejo “iso ae adek iki”)

(Kairing sak lakune waktu lan gantine dino. Bengi kuwi sak wise shalat isya’ Pak Subek marani Buk Siti sing lagi ngalmun neng kamar)

Pak Subek : Asalamulaikum Buk!

Buk Siti      : Wa’alaikum salam Mas!

Pak Subek : ana apa ta iki kok dadak acara nglamun barang

Buk Siti      : eleh yo ora, njenengan ki kemeroh lo

Pak Subek : lheh wong sehidup samati og’e yo mesti ngerti no. Wes ta omongo, enek op sak jane kok koyo wong mumet tenan ae. Mbok yo’o lek enek masalah di omongne bojone, ojo di pendem dewe

Buk Siti      : ngene lo Mas, jane ki ape omong tapi kok sungkan kalian njenengan

Pak Subek : eleh Buk Buk adewe ki wis rabi 20 tahun kok yo sungkan sungkanan ae

Buk Siti      : Enggeh Mas, Aku ndek ingi wis diabani cah cah lek sekolah e wis podo wayahe mbayar

Pak Subek : yo lek wis wayahe ape piye neh

Buk Siti      : Lho yo to njenengan niku mesti ngoteniku

Pak Subek : Haha ben ora sepaneng Buk

Buk Siti      : Enggeh jane Mas., tapi lek aku yo ora iso lek ora miker Mas

Pak Subek : Aku meneng – meneng jane yo mikir Buk. Op meneh kerjoku duwite ra sepiro, gek sawahe yo durong panen

Buk Siti      : Opo aku tak melu kerjo ae Mas

Pak Subek : Ojo Buk wis urus ana omah ae, tak Aku ae sing golek duwit

Buk Siti     : Nggeh lek Aku kerjo niku wau tasih tanggungganku

Pak Subek : Ojo Buk wong awakmu lo wis “longlit” kok reko reko kerjo

Buk Siti     : Tapi lek aku mung lunggah lunggoh tok yo ra betah

Pak Subek : wis ta lah Buk, Aku ki wegah sampean kekeselen apa maneh lek nganti lara

Buk Siti      : yo wis tak manut bojoku mugi mugi njenengan ngrubah pikiranmu

(Buk Siti tansah pangggah kepikiran marang ojo lan anak anak e. Senajan di penging mikir karo bojone nangingg tansoyo mundak ngendeng, sansoyo nganti tibo loro )

Buk Siti     : Mas... Mas... Mas... Njenenggan eng pundi

Pak Subek : Eh eh eh enek opo, aku nin kene kilo

Buk Siti     : Beh mripatku rasane kok mbblereng, sirahku tansoyo kudu cepot, awakku lemes tenan

(Ora suwi teko kuwi, Buk Siti malah smaput lan Pak Subek cekat cekat gowo nek RS)

Pak Subek : piye Dok, bojoku loro opo?

Dokter       : ngenten Pak, garwone njenengan niku gerah diabetes militus kalian kekeselen

Pak Subek : Astogfirullah haladhzim. Apa ya bahaya Dok

Doker        : Penyakit niki mboten wonten tambane pak,nanging obate entene damel nyetabilne gula darah.

Pak subek : beh lha kuwi.

(gang sedeluk buk siti tangi lan iseh bingung nyang ngopo kahanane neng kono)

Buk siti     : jane aku iki neng ngendi lo,kok akeh men wong loro?

Pak subek : njenengan wau ki semaput terus tak gowo rene.

Buk siti     : sek ta, tapi aku ora loro to?

Pak subek : janjio disek lek tak omongi nko rasah kaget lan malah marakne pikiranmu.

Buk siti     : enggeh pak.

Pak subek : penyakitmu ki diabetes melitus.tapi ojo panggah tok pikir ae yo buk.elingo yen anakmu jek butuh awakmu.

Buk siti     : hoalah mas-mas enek ae pacobanku .

(2 tahun bar kui penyakite bu siti tambah rena-rena maleh dadi komplikasi lan akhire di timbali marang gusti )

( Retno ngrasa dadi wong sing paling sedih sak dunyo. Mergo dee urung siap nggajuli perane ibuk e du nggo adhine. Sak bubare masalah kui Retno ngurung awake neng kamar)

Pak Subek : Nduk.. we ki jane opo ra butuh luwe, ra butuh omong-omongan po piye?

Retno         : Enggeh , Pak. Mangke mawon

( Pak Subek bingung tenan  amarga anak prawane metu kamar mung boro adus tok, wis genep seminggu tekan ora enek Ibuk e)

Ajeng        : Mbak Yu, ayo maem bareng aku...

Pak Subek : Kae lo golek i adekmu, we op ora kangen to?

Retno         : Kula niku kangen marang Ibu Pak

Pak Subek : huts omong opo lo kowe ki. Mbok yo ojo dipiker nemen – nemen, lek we koyo ngunu kuwi ki Ibukmu yo sedih mergo we durung ihklas

(Mulo teko kuwi Retno maleh gelem metu kamar)

Retno         : Ngampunten nggeh Pak kula mboten saget nyikapi masalah kanthi dewasa lan malah nambahi pikirane njenengan....

Pak Subek : Iyo nduk ora popo, wis tak maklumi. Saiki gek mlebu jeding ndango kramas lan guwak’en pikiran elekmu

Retno        : Enggeh Pak

(Retno langsung cekat – ceket  mlebu jeding banjur adus kramas)

Retno        : Pak monggo sak niki teng makam’e Ibuk !

Pak Subek : Iyo nduk. Mari ngene yo...

(sak wis e teko makam)

Ajeng        : Aku engko bubuk mbi saman!

Retno        : lha nyapon ra bubuk dewe

Ajeng        : Emoh, Aku kan kangen saman. Mbak Yu, Ibuk ki saiki opo wis nek suwargo?

Retno        : Yo uwis no kan Ibuk mbeneh dadi langsung nek suwargo. Makane awakmu ojo nakal ben sok koyo Ibuk

Ajeng       : ho’oh yo Mbak Yu... Aku sok kudu koyo Ibuk. Ojo nanges eneh yo Mbak!

Retno       : Ora lah kan Aku kuat

(Sak wise 100 ane Buk Siti, Retno sansoyo nyelot dewasa saben nanggepi masalah. Tapi sak kuat – kuate Retno panggah iso trenyuh saben nyawang konco kancane sing keluargane utuh)

Retno        : hoalah yo – yo kok ngenemen uripku. Tapi guti pangeran ora bakal maringi coban ngeluwihi wates kemampuan

(Tanpa sadare Retno, Pak Subek ngrungokne sambbatane Retno. Atine Pak Subek nyelot nelongso)

Pak Subek : Nduk – nduk.... Reneo ta tak omonggi!

Retno         : enggeh Pak

Ajeng        : okay – okay siap!

Pak Subek : sajak e anak – anakku cahayane padang tenan

Retno         : Enggeh no mugi – mugi panggah ngenten terus Pak. Pun moten usah susah lan sedih – sedihan

Pak Subek : Jan siip tenan wis!

(Sak bubare kuwi Retno pengen nerus ake pendidikane ing salah sawijining  instansi ing Malang, nanging durung ijin Bapak’e)

Retno         : Pak Bapak! Ngeten lo kulo ajenge petung kalihan njenengan

Pak Subek : piye – piye nduk enek opo?

Retno         : kulo niki kan tasih pengen nerus aken pendidikane kulo

Pak Subek : Lha sermu tok sambi karo kerjomu opo piye?

Retno         : Enggeh Pak. Cita – cita kulo niki sekolah engkang duwur . kersane saget  kerjo penak

Pak subek : Iyo nduk. Seng kok karep ki panggonane neng ngendi

Retno         : Dateng Malang mroiko Pak. Kulo ajenge mundhut jurusan kedokteran

Pak Subek : Iyo nduk tak restoni, mugi – mugi Gusti kinabul dongo mu

Retno        : Enggeh Pak, Amin

(Kaireng mlakune wektu, tanges dadi guyu. Saiki uripe Retno lan keluargane maleh dadi mulya lan cita – cita ne Retno kawujud dadi “Dokter”. Ora enek mandek – mandeke ngucap syukur)

UNDUH FILE